Xalq deputatlari Bag‘dod tumani Kengashining 5-Cheksaroy saylov okrugi deputati S.Egamnazarova, Kengash kotibiyati mudiri G‘.Abdullayev, kotibiyat bosh mutaxassisi A.Ismoilov hamda Xalq demokratik partiyasi tuman Kengashi raisi D.Xamraqulov tomonidan Cheksaroy mahalla fuqarolar yig‘inida profilaktika inspektori va “mahalla yettiligi” bilan hamkorlikda O‘zbekiston Respublikasining “Huquqbuzarliklar profilaktikasi to‘g‘risida”gi Qonuni ijrosi yuzasidan olib borilayotgan ishlar o‘rganildi.

O‘rganish davomida mahallada huquqbuzarliklarning oldini olish, jinoyatchilikka qarshi kurashish, fuqarolar xavfsizligini ta’minlash hamda profilaktik tadbirlarni samarali tashkil etish borasida amalga oshirilayotgan ishlar tahlil qilindi.

Shuningdek, 2026-yilning o‘tgan olti oyi davomida Cheksaroy mahalla fuqarolar yig‘inida birorta ham jinoyat va huquqbuzarlik holati qayd etilmagani ijobiy natija sifatida e’tirof etildi.

Yakunda hududda jinoyatchilikning barqaror oldini olish, aholi bilan manzilli ishlash hamda “mahalla yettiligi” hamkorligini yanada kuchaytirish yuzasidan tegishli tavsiya va takliflar bildirildi.