Xalq deputatlari Qo‘qon shahar Kengashi raisi va deputati O‘.Tojiyeva tomonidan saylov okrugida o‘tkazilgan uchrashuvlar davomida fuqarolar tomonidan bildirilgan murojaat yuzasidan tegishli tashkilotga deputatlik so‘rovi yuborildi.

Xususan, Qo‘qon shahar “Islomobod” mahalla fuqarolar yig‘ini Oloy ko‘chasi 6-uyda istiqomat qiluvchi fuqaro F.Rahmonova ish bilan ta’minlash masalasida amaliy yordam so‘rab murojaat qilgan edi.

Mazkur murojaat deputat tomonidan atroflicha o‘rganilib, fuqaroni doimiy ish bilan ta’minlash imkoniyatlarini ko‘rib chiqish hamda murojaatni amaldagi qonunchilik talablari asosida hal etish maqsadida Qo‘qon shahar Kambag‘allikni qisqartirish va bandlikka ko‘maklashish bo‘limi boshlig‘i nomiga deputatlik so‘rovi yuborildi.

Deputatlik so‘rovida fuqaroning murojaatini belgilangan tartibda ko‘rib chiqish, ish bilan ta’minlash yuzasidan amalga oshirilayotgan ishlar hamda murojaatni qachon va qay tartibda hal etish rejalashtirilgani haqida asoslantirilgan ma’lumot taqdim etish so‘ralgan.

Mazkur masala deputat nazoratiga olingan bo‘lib, uning ijrosi yuzasidan qo‘shimcha ma’lumotlar berib boriladi.

Xalq deputatlari Qo‘qon shahar Kengashi