Jumladan, Bog‘ot tumani hokimligi huzurida tashkil etilgan “Infratuzilma va ijtimoiy barqarorlik” jamg‘armasi mablag‘lari hisobidan mablag‘ ajratish masalasi muhokama qilinib, ushbu mablag‘larni hududlarda mavjud infratuzilma muammolarini bartaraf etish, aholi uchun qulay sharoitlar yaratish hamda ijtimoiy barqarorlikni mustahkamlash yo‘nalishlariga samarali yo‘naltirish masalalariga alohida e’tibor qaratildi.

Shuningdek, Bog‘ot tumanida “Yoshlar oyligi” doirasida “Yoshlar oqshomi” tadbirini tashkil etish bilan bog‘liq xarajatlar uchun “Yoshlar daftari” jamg‘armasidan mablag‘ yo‘naltirish to‘g‘risidagi masala ham atroflicha muhokama qilindi.

Mazkur tadbirlarni tashkil etish orqali:
yoshlarning bo‘sh vaqtini mazmunli tashkil etish;
iqtidor va tashabbuslarini qo‘llab-quvvatlash;
yoshlar faolligini oshirish;
sog‘lom ijtimoiy muhitni shakllantirish maqsad qilinganligi ta’kidlandi.

Yig‘ilish yakunida ko‘rib chiqilgan masalalar yuzasidan tegishli qarorlar qabul qilinib, mablag‘lardan maqsadli va samarali foydalanish hamda belgilangan vazifalar ijrosi nazoratga olindi.

Hududlarni rivojlantirish va yoshlarni qo‘llab-quvvatlash borasidagi ishlar izchil davom ettirilmoqda.