Qonun ijrosi va mahalla faoliyati o‘rganildi

Xalq deputatlari Paxtachi tumani Kengashining 2-"Gulshan" saylov okrugidan saylangan deputati Sanayev Ismat Sanayevich hamda Kengash kotibiyati mutaxassisi S. Safarova tomonidan O‘zbekiston mahallalar uyushmasi Paxtachi tumani bo‘limi faoliyati joyiga chiqib o‘rganildi.

O‘rganish davomida «Fuqarolarning o‘zini o‘zi boshqarish organlari to‘g‘risida»gi Qonun talablarining ijrosi, mahallalar tomonidan aholiga ko‘rsatilayotgan xizmatlar sifati, fuqarolar murojaatlari bilan ishlash tizimi hamda hududdagi ijtimoiy masalalarni hal etish borasida amalga oshirilayotgan ishlar tahlil qilindi.

Shuningdek, o‘rganish yakunlari bo‘yicha aniqlangan masalalar yuzasidan tegishli tavsiyalar berildi, qonun hujjatlari ijrosini yanada samarali tashkil etish hamda mavjud kamchiliklarni bartaraf etish yuzasidan mas’ullar bilan atroflicha fikr almashildi.