📖 O‘zbekiston Respublikasining "Ko‘p kvartirali uylarni boshqarish to‘g‘risida"gi Qonuni (O‘RQ–581) ijrosi yuzasidan Xalq deputatlari Shovot tumani Kengashi deputati A.Kalandarov o‘z saylov okrugidagi Bo‘ston mahallasida joylashgan ko‘p kvartirali uylarning holatini o‘rgandi.
🤝 O‘rganishda kotibiyat mudiri I.Masharipov hamda kotibiyat xodimi U.Ruzmetov ishtirok etdi.
🔎 O‘rganish davomida ko‘p kvartirali uylarning kirish yo‘laklari, yerto‘lalari, bolalar maydonchalari, chiqindilarni to‘plash maydonchalari hamda hududlarning sanitariya va obodonlashtirish holati atroflicha ko‘zdan kechirildi.
📋 Aniqlangan kamchiliklar yuzasidan tegishli mas’ullarga tavsiyalar berildi hamda mavjud muammolarni bartaraf etish bo‘yicha zarur choralarni ko‘rish belgilandi.
✅ Mazkur masala deputatlik nazoratiga olindi.