27 IYUN — MATBUOT VA OMMAVIY AXBOROT VOSITALARI XODIMLARI KUNI

Xalq deputatlari Samarqand viloyati Kengashi nomidan matbuot va ommaviy axborot vositalari sohasida faoliyat yuritayotgan barcha jurnalistlar, tahririyat jamoalari, soha mutaxassislari va ijod ahlini samimiy muborakbod etamiz!

✅Bugungi kunda ommaviy axborot vositalari jamiyat hayotida muhim o‘rin tutib, davlat va xalq o‘rtasidagi ochiq muloqotni ta’minlash, amalga oshirilayotgan islohotlarni keng jamoatchilikka yetkazish hamda fuqarolarning axborotga bo‘lgan huquqini ta’minlashda muhim vazifani bajarmoqda.

❗️Jurnalistika — bu nafaqat kasb, balki katta mas’uliyat, xolislik va fidoyilikni talab etadigan sharafli faoliyatdir. Sizlarning haqqoniy axborot tarqatish, dolzarb masalalarni yoritish va jamiyat taraqqiyotiga munosib hissa qo‘shish yo‘lidagi mehnatingiz yuksak e’tirofga loyiq.

➡️Ayniqsa, Samarqand viloyatida amalga oshirilayotgan keng ko‘lamli islohotlar, hudud rivoji, xalq manfaatlariga qaratilgan tashabbuslar va ezgu ishlar haqida jamoatchilikka tezkor va xolis axborot yetkazishda ommaviy axborot vositalari xodimlarining hissasi beqiyosdir.

✍️Sizlarning qalamingiz o‘tkir, so‘zingiz ta’sirchan, ijodiy faoliyatingiz samarali bo‘lishini, mustahkam sog‘lik, oilaviy baxt va kasbiy faoliyatingizda ulkan yutuqlar tilaymiz!

Bayramingiz muborak bo‘lsin!

Hurmat bilan,
Xalq deputatlari Samarqand viloyati Kengashi