Xalq deputatlari Samarqand viloyati Kengashining navbatdagi sessiyasi bo‘lib o‘tdi

📌 2026-yil 26-iyun kuni Kengashlar uyi binosida Xalq deputatlari Samarqand viloyati Kengashining navbatdagi sessiyasi bo‘lib o‘tdi.

Sessiyani viloyat Kengashi raisi Sh.Negmatov olib bordi.

✍️Sessiyada viloyat Kengashi deputatlari, viloyat hokimining o‘rinbosarlari, boshqarma, korxona va tashkilotlar rahbarlari hamda tegishli mutasaddilar ishtirok etdi.

🔤Sessiya davomida hududni ijtimoiy-iqtisodiy rivojlantirish, sanitariya-gigiyena tizimini takomillashtirish, yer munosabatlari, mahalliy byudjet mablag‘laridan samarali foydalanish, investitsiya loyihalari hamda davlat boshqaruvini takomillashtirishga oid qator masalalar muhokama qilinib, tegishli qarorlar qabul qilindi.

➡️ Sessiya kun tartibida quyidagi masalalar ko‘rib chiqildi:

• Ijtimoiy soha muassasalari, umumiy ovqatlanish shoxobchalari va viloyatlararo avtomobil yo‘llari bo‘yidagi jamoat hojatxonalarining sanitariya-gigiyena tizimini yaxshilash chora-tadbirlari to‘g‘risidagi qaror ijrosi yuzasidan Sanitariya-epidemiologik osoyishtalik va jamoat salomatligi qo‘mitasi Samarqand viloyati boshqarmasi boshlig‘i vazifasini bajaruvchi R.R. Kurbanovning hisoboti;

• O‘zboshimchalik bilan egallab olingan yer uchastkalari hamda ularda qurilgan binolar va inshootlarga bo‘lgan huquqlarni e’tirof etish;

• Viloyat mahalliy byudjetining 2026-yil 1-yanvar holatiga shakllangan erkin qoldiq mablag‘laridan foydalanish;
• Jamoat ehtiyojlari uchun yer uchastkalarini olib qo‘yishga ruxsat berish;

• Kattaqo‘rg‘on tumani Melixo‘ja mahallasi hududida **"Elektrotexnika mahsulotlari ishlab chiqaruvchi sanoat zonasi"**ni tashkil etish;

• Samarqand viloyatidagi bo‘sh turgan davlat mulki obyektlaridan samarali foydalanishni tashkil etish chora-tadbirlari;

• Samarqand viloyati hokimligi boshqaruv apparatining yangilangan tashkiliy tuzilmasini tasdiqlash.

🤝 Sessiyada kun tartibidagi barcha masalalar deputatlar tomonidan atroflicha muhokama qilinib, ular yuzasidan tegishli qarorlar qabul qilindi. Mazkur qarorlar hududni kompleks rivojlantirish, aholi uchun qulay shart-sharoitlar yaratish, investitsiyalarni jalb etish hamda davlat boshqaruvi samaradorligini oshirishga xizmat qiladi.