Xalq deputatlari tuman Kengashi raisi X.Raximov To‘rttol mahallasida bo‘lib, mahalla yettiligi faoliyati, aholi bilan ishlash tizimi hamda hududda amalga oshirilayotgan ijtimoiy-iqtisodiy ishlar bilan yaqindan tanishdi. Tashrif davomida mahalla raisi va mahalla yettiligi a’zolari ishtirokida uchrashuv o‘tkazilib, mahallada amalga oshirilayotgan ishlar, aholi murojaatlarini o‘rganish va hal etish, ijtimoiy himoyaga muhtoj oilalarni qo‘llab-quvvatlash, yoshlar va xotin-qizlar bilan manzilli ishlash, bandlikni ta’minlash hamda huquqbuzarliklar profilaktikasi sohasidagi faoliyat muhokama qilindi. Mahalla yettiligi a’zolari tomonidan o‘z yo‘nalishlari
bo‘yicha amalga oshirilayotgan ishlar haqida ma’lumot berildi. Xususan, aholi muammolarini aniqlash va hal etish, ijtimoiy himoyaga muhtoj oilalar bilan ishlash, yoshlarni qo‘llab-quvvatlash, xotin-qizlarning bandligini ta’minlash hamda mahallada sog‘lom ma’naviy muhitni shakllantirish bo‘yicha amalga oshirilayotgan chora-tadbirlar xususida fikr almashildi.