🔹Xalq deputatlari Jizzax shahar Kengashi deputati, shahar hokimi K.Xolmurodov hamda deputat B.Toshpo‘latovlar “Qaliya” MFYda bo‘lib, mahalliy aholi bilan uchrashuv o‘tkazdilar. Muloqot markazida hududdagi “Toshkent” ko‘chasida istiqomat qiluvchi aholi xonadonlari o‘rnida zamonaviy ko‘p qavatli uylar qurish loyihasi muhokama qilindi.

🔹Loyihaga ko‘ra, yangi quriladigan ko‘p qavatli uylarning birinchi qavatida savdo va xizmat ko‘rsatish do‘konlari tashkil etiladi. Bu esa mahalla ahli uchun qo‘shimcha ish o‘rinlari yaratish va kundalik ehtiyojlarni yaqin atrofda qondirish imkonini beradi. 

🔹Uchrashuvda loyiha doirasidagi barcha qurilish va qayta qurish ishlari O‘zbekiston Respublikasining Shaharsozlik kodeksi talablariga muvofiq amalga oshirilishi va mazkur yangilanishlar shahar ko‘rkiga ko‘rk qo‘shish bilan birga, aholining yashash sharoitini sifat jihatidan yangi bosqichga ko‘tarishi taʼkidlandi.

🔹Shuningdek, deputatlar va soha mutaxassislari yangi uylar qurilishi munosabati bilan hududdagi gaz, suv, elektr energiyasi hamda kanalizatsiya tarmoqlarini yangilash va quvvatini oshirish rejalari bo‘yicha fuqarolar savollariga batafsil javob berdilar.