Xalq deputatlari Ishtixon tuman Kengashi kotibiyati mudiri N.Kiyamov hamda tuman Kengashi deputati M.Raximov Bog‘bon mahallasida ijtimoiy xodim faoliyati va aholining ijtimoiy ehtiyojmand qatlamlariga ko‘rsatilayotgan xizmatlar sifati o‘rganildi.

O‘rganish davomida ijtimoiy himoyaga muhtoj fuqarolarni aniqlash, ularga zarur ijtimoiy xizmatlarni ko‘rsatish, kam ta’minlangan oilalarni qo‘llab-quvvatlash hamda ijtimoiy yordam mexanizmlarining samaradorligi tahlil qilindi.

Shuningdek, kam ta’minlangan oilalarga ijtimoiy nafaqalar va moddiy yordamlarni tayinlash, ularning o‘z vaqtida va manzilli yetkazilishini ta’minlash, fuqarolarning murojaatlarini ko‘rib chiqish hamda ehtiyojmand oilalar bilan individual ishlash borasida amalga oshirilayotgan ishlar bilan yaqindan tanishildi.

Ta’kidlanganidek, aholini ijtimoiy qo‘llab-quvvatlash tizimining samarali tashkil etilishi, ayniqsa, ehtiyojmand fuqarolar va oilalarning turmush darajasini yaxshilash, ularning muammolarini o‘z vaqtida hal etishda muhim ahamiyat kasb etadi.

✅ O‘rganish yakunida ijtimoiy xizmatlar sifati va qamrovini yanada oshirish, davlat tomonidan berilayotgan yordamlarning manzilliligini ta’minlash hamda fuqarolar bilan ishlash samaradorligini kuchaytirish bo‘yicha tegishli tavsiyalar berildi.