Xalq deputatlari Parkent tuman Kengashiga 9-“Qo‘rg‘on” saylov okrugidan saylangan deputat To‘ychiyev Naimjon Yusupovich o‘zi saylangan hududdagi “Qo‘rg‘on” mahallasida bo‘lib, mahalladagi yoshlar bilan ishlash
tizimi hamda yoshlar yetakchisi tomonidan amalga oshirilayotgan ishlar bilan tanishdi.O‘rganish davomida yoshlar yetakchisi faoliyati,yoshlar bandligini ta’minlash, ularni kasb-hunarga yo‘naltirish va bo‘sh vaqtini mazmunli tashkil etish borasida amalga oshirilayotgan ishlar ko‘rib chiqildi. Shuningdek, “Yoshlar daftari”ga kiritilgan yoshlarga ko‘rsatilayotgan amaliy yordamlar, o‘tkazilgan tadbirlar hamda erishilgan natijalar yuzasidan ma’lumotlar olindi.Bildirilishicha, joriy yil boshidan buyon mahalladagi 9 nafar yosh doimiy ish bilan ta’minlangan. Bundan tashqari, 3 nafar yoshga o‘z tadbirkorlik faoliyatini boshlashi uchun imtiyozli kredit ajratilgan.O‘rganish yakunida yoshlar bilan ishlash samaradorligini yanada oshirish, ularning bandligini ta’minlash va tashabbuslarini qo‘llab-quvvatlash bo‘yicha tegishli tavsiyalar berildi.