Xalq deputatlari tuman Kengashi huzuridagi Ekspert guruhi Kengash faoliyatini takomillashtirishga ko‘maklashuvchi jamoatchilik asosidagi maslahat organi hisoblanadi.

Ekspert guruhi tarkibiga deputatlar, Kengash kotibiyati xodimlari, faxriy deputatlar, ilmiy va ta’lim muassasalari mutaxassislari, nodavlat notijorat tashkilotlari hamda fuqarolik jamiyati institutlari vakillari kiritilishi mumkin.

🔹 Ekspert guruhi rais, rais o‘rinbosari, kotib va a’zolardan iborat bo‘ladi;

🔹 Tarkibi har yili xalq deputatlari tuman Kengashi qarori bilan tasdiqlanadi;

🔹 Guruh faoliyati ish rejasi asosida yo‘lga qo‘yilib, majlislar kamida oyiga bir marta o‘tkaziladi;

🔹 Qabul qilingan xulosalar tavsiyaviy xarakterga ega bo‘lib, Kengash faoliyatini yanada samarali tashkil etishga xizmat qiladi;

🔹 Ekspert guruhi a’zolari Kengash sessiyalari, doimiy komissiyalar majlislari va boshqa tadbirlarda ishtirok etib, taklif hamda tavsiyalar ishlab chiqadi.

Ekspert guruhi faoliyati Kengash ishining ochiqligi, shaffofligi va samaradorligini oshirishga xizmat qiladi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram