Xalq deputatlari Ishtixon tumani Kengashi deputati Abdurazzoqov Faxriddin Yoqubovichga O‘zbekiston Respublikasining “Qishloq xo‘jaligiga mo‘ljallanmagan yer uchastkalarini xususiylashtirish to‘g‘risida”gi Qonuni (O‘RQ–728, 2021-yil 15-noyabr) ijrosi ustidan deputatlik nazoratini amalga oshirish vazifasi biriktirilgan.

Mazkur qonun qishloq xo‘jaligiga mo‘ljallanmagan yer uchastkalarini xususiylashtirish sohasidagi munosabatlarni tartibga solish, yerga bo‘lgan mulk huquqini kafolatlash, mulkdorlarning qonuniy manfaatlarini himoya qilish hamda yer resurslaridan samarali foydalanishni ta’minlashga qaratilgan.

📝 Deputat tomonidan qonun va ushbu sohaga oid Prezident farmonlari, qarorlari, Vazirlar Mahkamasi qarorlari hamda boshqa normativ-huquqiy hujjatlar ijrosi yuzasidan o‘rganishlar olib boriladi. Shuningdek, yer munosabatlari bilan bog‘liq masalalarda Kengashga hisobdor tashkilotlar faoliyati tahlil qilinib, qonunchilik talablarining amalda qo‘llanilishi yuzasidan deputatlik nazorati amalga oshiriladi.

🔍 Qonun ijrosi doirasida yer uchastkalarini xususiylashtirish jarayonlarining shaffofligi, fuqarolar va tadbirkorlik subyektlarining yerga oid huquqlarini ta’minlash, sohaga oid davlat dasturlari va qarorlarining ijrosi yuzasidan o‘rganishlar tashkil etilishi rejalashtirilgan.

✅ Mazkur qonun ijrosi ustidan samarali nazorat o‘rnatilishi yer munosabatlarida ochiqlik va qonuniylikni ta’minlash, mulk huquqining daxlsizligini mustahkamlash, investitsion jozibadorlikni oshirish hamda hududlarni barqaror rivojlantirishga xizmat qiladi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram