📢 MAHALLIY KENGASH SESSIYASIDA MANSABDOR SHAXS HISOBOTINI ESHITISHDAN MAQSAD NIMA?

🔊 Asosiy maqsad — hududdagi dolzarb muammolarni aniqlash hamda ularni bartaraf etish bo‘yicha aniq chora-tadbirlarni belgilashdan iborat.

🔍 Hisobot (axborot)ni eshitishda quyidagi masalalarga alohida e’tibor qaratiladi:

1️⃣ Qonunlar, Prezident hujjatlari hamda mahalliy Kengash qarorlarining ijrosi holati;

2️⃣ Hisobot beruvchi organ oldiga qo‘yilgan vazifalarning bajarilishi yoki bajarilmaganlik sabablari;

3️⃣ Organ faoliyatining islohotlarga hamohangligi, samaradorligi va natijadorligi;

4️⃣ Aholining ijtimoiy-iqtisodiy muammolarini aniqlash va murojaatlar bilan ishlash holati;

5️⃣ “Mahalla yettiligi” bilan hamkorlik hamda kambag‘allikni qisqartirish bo‘yicha ishlar;

6️⃣ Sohada korrupsion holatlarning oldini olish va unga qarshi kurashish;

7️⃣ Mahalliy budjet mablag‘laridan samarali va tejamkor foydalanish;

8️⃣ Kengash, deputatlar, doimiy komissiyalar va partiya guruhlari topshiriqlari ijrosi;

9️⃣ Huquqni muhofaza qiluvchi hamda nazorat organlari ma’lumotlari tahlili;

💲 Faoliyat mezonlari, indikatorlar va reytinglar hamda oxirgi 3 yillik o‘zgarishlar;

❗️ Organ faoliyatida ochiqlik va shaffoflik, ijtimoiy tarmoqlardagi munosabat;

🔹 Sohadagi foydalanilmagan imkoniyatlar va rivojlanish istiqbollari;

1️⃣ Okrug va mahallalar kesimidagi ma’lumotlar;

⏺ Qonunchilik hamda huquqni qo‘llash amaliyotini takomillashtirish bo‘yicha takliflar.

📌 Hisobotni eshitish yakunida mahalliy Kengash mansabdor shaxs faoliyatini qoniqarsiz deb topishi mumkin.

📚 Manba:
O‘zbekiston Respublikasi Oliy Majlisi Senati Kengashining 2025-yil 28-yanvardagi KQ-54-V-son qaroriga ilova, 6-band.

Bizni ijtimoiy tarmoqlarda kuzating:
Telegramm | Web-sayt | Facebook | Instagram