Oliy Majlis Qonunchilik palatasi deputati S.Jumayeva, Xalq deputatlari Qo‘qon shahar Kengashi kotibiyati mudiri A.Nosirov hamda shahar Kengashi deputati M.Mavlonqulov tomonidan Qo‘qon shahridagi Allomalar muzeyida muzey xodimlari bilan uchrashuv o‘tkazildi.

Uchrashuv davomida muzey faoliyatini yanada takomillashtirish, mavjud imkoniyatlardan samarali foydalanish hamda madaniy-ma’rifiy maskanlar jozibadorligini oshirish masalalari muhokama qilindi.

Shuningdek, fuqarolar, ayniqsa yoshlarning muzeylarga tashriflarini ko‘paytirish, ularda tarixiy xotira va milliy qadriyatlarga hurmat tuyg‘usini mustahkamlash, buyuk ajdodlarimizning ilmiy va ma’naviy merosini keng targ‘ib etish yuzasidan fikr almashildi.

Muzey xodimlari tomonidan amalga oshirilayotgan ishlar, tashrif buyuruvchilar uchun yaratilgan sharoitlar hamda kelgusidagi rejalar haqida ma’lumotlar berildi.

Uchrashuv yakunida muzey faoliyatini rivojlantirish, yoshlarni madaniy-ma’rifiy tadbirlarga keng jalb etish va milliy madaniy merosni ommalashtirish borasidagi hamkorlikni yanada kuchaytirish yuzasidan taklif va tavsiyalar bildirildi.

Bunday uchrashuvlar madaniy meros obyektlari faoliyatini qo‘llab-quvvatlash va ularning jamiyat hayotidagi o‘rnini yanada mustahkamlashga xizmat qiladi.

Xalq deputatlari Qo‘qon shahar Kengashi