Oʻrganishda deputat navbatdagi sessiya kun tartibiga kiritilishi rejalashtirilgan masalalar doirasida mahalladagi yoshlar muammolarini tizimli hal etish, ularning bandligini ta’minlash va bo‘sh vaqtlarini mazmunli tashkil etish borasida olib borilayotgan ishlar bilan yaqindan tanishdi. Xususan, mahalladagi yoshlar yetakchisi tomonidan amalga oshirilayotgan tadbirlar, yoshlarni kasb-hunarga yo‘naltirish, ularni sport va madaniy-ma’rifiy tadbirlarga keng jalb etish bo‘yicha olib borilayotgan ishlarning samaradorligi o‘rganildi.
Muloqotlar davomida yoshlar orasida uchrayotgan muammolar, ularning qiziqish va ehtiyojlari, bandlikni ta’minlash hamda ijtimoiy faolligini oshirish masalalari atroflicha muhokama qilindi. Deputat ushbu yo‘nalishda amalga oshirilayotgan ishlarni yanada takomillashtirish yuzasidan tegishli tavsiya va takliflarini bildirdi.

Shuningdek, deputat hududda joylashgan 8-sonli umumta’lim maktabida tashkil etilgan yozgi sog‘lomlashtirish markazi faoliyati bilan ham tanishdi. Markazda o‘quvchilarning yozgi ta’til davrida bo‘sh vaqtlarini mazmunli va samarali o‘tkazish, ularning jismoniy hamda ma’naviy rivojlanishini ta’minlash maqsadida yaratilgan sharoitlar ko‘zdan kechirildi. O‘quvchilar uchun tashkil etilgan sport musobaqalari, ijodiy to‘garaklar va ma’naviy-ma’rifiy mashg‘ulotlar jarayoni o‘rganilib, mas’ullarga tegishli tavsiyalar berildi.

Oʻrganish davomida deputat fuqarolar bilan ochiq muloqot o‘tkazdi. Uchrashuv davomida aholi tomonidan ko‘tarilgan qator murojaatlar tinglanib, ularning aksariyati joyida hal etildi. Yechimi qo‘shimcha vaqt va mutasaddi tashkilotlar bilan hamkorlikni talab qiladigan masalalar esa deputatning hududdagi muammolarni qayd etib borish daftariga kiritildi.

Mazkur murojaatlar yuzasidan deputat o‘ziga biriktirilgan kotibiyat bosh mutaxassisi N.Akbarova bilan bog‘lanib, ularni tegishli doimiy komissiya yig‘ilishlarida ko‘rib chiqish va amaliy yechim topish choralarini muhokama qildi.

Bunday uchrashuvlar xalq vakillari bilan saylovchilar o‘rtasidagi ochiq muloqotni mustahkamlash, hududlarda mavjud muammolarni o‘z vaqtida aniqlash va ularni bartaraf etish bo‘yicha samarali mexanizm sifatida muhim ahamiyat kasb etmoqda.