OLIY MAJLIS NIZAMSHILIQ PALATASI DEPUTATI XALIQ
DEPUTATLARI RAYONLIQ KEŃESINIŃ JUMISI MENEN TANISTI. 

Ózbekstan Respublikası Oliy Majlisi Nızamshılıq
palatası Ekologiya hám qorshaǵan ortalıqtı qorǵaw máseleleri komiteti baslıǵınıń
orınbasarı B.Aldamuratov Xalıq deputatları Shımbay rayonlıq Keńesiniń jumısı
menen jaqınnan tanıstı. 

Úyreniw dawamında deputatqa Keńes tárepinen
aymaqtı sociallıq-ekonomikalıq rawajlandırıw, puqaralardıń múrájatların kórip
shıǵıw, turaqlı komissiyalardıń jumısı hám deputatlıq qadaǵalawdı ámelge asırıw
baǵdarında alıp barılıp atırǵan jumıslar haqqında tolıq maǵlıwmat berildi. 

Sonday-aq, Keńestiń jumıs alıp barıw tártibi,
sessiyalardı shólkemlestiriw ámeliyatı, qabıl etilip atırǵan qararlardıń
orınlanıwı hám olardıń nátiyjeliligi dodalandı. Deputat aymaqtaǵı áhmiyetli
máselelerdi sheshiwde jergilikli Keńeslerdiń ornı hám áhmiyetiniń úlken
ekenligin atap ótip, jumıs nátiyjeliligin bunnan bılay da arttırıw boyınsha óz
usınısların bildirdi. 

Ushırasıw dawamında deputatlıq korpus hám Keńes
sekretariatı tárepinen ámelge asırılıp atırǵan jumıslar unamlı bahalanıp,
xalıqtıń máplerin támiyinlewge qaratılǵan birge islesiwdi bunnan bılay da
bekkemlew máseleleri kórip shıǵıldı. 

Xalıq deputatları Shımbay rayonlıq Keńesi