Baxmal tumanidagi ichki ko‘chalar zamonaviy qiyofaga kirdi!
Baxmal tumanida aholi turmush sharoitini yaxshilash borasida tizimli ishlar davom etmoqda. Xususan, Vazirlar Mahkamasining 2024-yil 11-oktabrdagi 665-sonli hamda Xalq deputatlari tuman Kengashining joriy yil 4-martdagi tegishli qarorlari ijrosini ta’minlash maqsadida amaliy tadbirlar o‘tkazilmoqda.
Xalq deputatlari tuman Kengashi deputati N.Norqulov tashabbusi hamda bevosita say-harakatlari bilan “Fidokor” MFYdagi ichki ko‘chalarni to‘liq ta’mirlash ishlari yakunlandi. Zamonaviy qiyofaga kelgan ushbu yo‘llar bugun mahalla ahlining uzog‘ini yaqin, og‘irini engil qilmoqda.