Xalq deputatlari viloyat Kengashi deputati G.Bobojonova tomonidan fuqaroning ijtimoiy himoyaga muhtojligi yuzasidan kelib tushgan murojaat atroflicha o‘rganilib, uning qonuniy manfaatlarini ta’minlash maqsadida tegishli tashkilotlar bilan amaliy ishlar olib borildi. Jumladan, deputat murojaati asosida Inson ijtimoiy xizmatlar markazi direktori N.Soyibjonov bilan uchrashuv tashkil etilib, murojaatda ko‘tarilgan masala yuzasidan muhokama o‘tkazildi. Uchrashuv davomida fuqaroning ijtimoiy ahvoli, oilaviy sharoiti hamda davlat tomonidan ko‘rsatiladigan ijtimoiy yordam va xizmatlarga bo‘lgan ehtiyoji tegishli hujjatlar asosida ko‘rib chiqildi. Mutaxassislar tomonidan olib borilgan o‘rganishlar natijasida fuqaroni “Ijtimoiy reestr”ga kiritish uchun zarur shartlar mavjud ekani aniqlandi. Shundan so‘ng tegishli tartib-taomillar amalga oshirilib, murojaat ijobiy hal etildi
hamda fuqaroning “Ijtimoiy reestr”ga kiritilishi belgilandi.