Hududdagi muammolar o‘rganildi

Xalq deputatlari Termiz tuman Kengashi deputati G. Shafoatova tomonidan Yangihayot mahalla fuqarolar yig‘inida soliq so‘rovnomasi bo‘yicha o‘rganish ishlari olib borildi.

Shuningdek, hududdagi ichki kanallarning holati, aholini suv bilan ta’minlash darajasi hamda fuqarolarning yerlari uchun keladigan suv oqimi qay darajada ekanligi, yaratilgan sharoitlar joyiga chiqqan holda o‘rganildi. O‘rganish davomida aniqlangan muammolar yuzasidan tegishli mutasaddilarga tavsiyalar berilib, masalalarni bartaraf etish bo‘yicha zarur chora-tadbirlarni ko‘rish yuzasidan takliflar bildirildi.

Deputat tomonidan hudud infratuzilmasini yaxshilash, aholiga qulay shart-sharoitlar yaratish hamda mavjud muammolarni tizimli hal etish bo‘yicha ishlarni davom ettirish lozimligi ta’kidlandi. O‘rganish natijalari yuzasidan tegishli tashkilotlarga murojaatlar kiritilishi belgilandi.