33-sonli umumta’lim maktabidagi qurilish-ta’mirlash ishlari o‘rganildi
Xalq deputatlari tuman Kengashi deputati L. Niyozova hamda Demas mahallasi mas’ul xodimlari bilan hamkorlikda 33-sonli umumta’lim maktabida olib borilayotgan qurilish-ta’mirlash ishlari bilan yaqindan tanishdi.

Tashrif davomida qurilish va ta’mirlash ishlarining borishi, ularning sifati hamda belgilangan muddatlarda yakunlanishi masalalariga alohida e’tibor qaratildi.

Shuningdek, o‘quvchilar uchun zamonaviy va qulay sharoitlar yaratish yuzasidan amalga oshirilayotgan ishlar ko‘zdan kechirildi.
O‘rganish yakunida aniqlangan masalalar yuzasidan tegishli tavsiyalar berilib, qurilish-ta’mirlash ishlarini sifatli va o‘z vaqtida yakunlash muhimligi ta’kidlandi.