2026-yil 22-iyun kuni Xalq deputatlari Andijon shahar Kengashi 11-Guliston saylov okrugi hududidagi “Ishchilar” mahallasi aholisining muammolari o‘rganildi.

O‘rganish jarayonida “Ishchilar” MFY, Hakimova ko‘chasi 34-uyda yashovchi Nazokatxon Umurzoqova xonadoniga tashrif buyurilib, yashash sharoiti ko‘zdan kechirildi. Ma’lum bo‘lishicha, hozirda fuqaro xorijda bo‘lib, xonadonda uning o‘g‘li Tursunboyev Sherzodbek istiqomat qilib kelmoqda. Xonadon hovlisini ta’mirlash ishlariga ehtiyoj mavjudligi aniqlandi.

Mazkur holat yuzasidan Andijon shahar “Inson” ijtimoiy xizmatlar markaziga ijtimoiy daftarlar imkoniyatlari doirasida zarur ta’mirlash ishlarini amalga oshirish bo‘yicha chora ko‘rish yuzasidan deputat so‘rovi yuborildi.

Shuningdek, ko‘rilgan chora-tadbirlar va amalga oshirilgan ishlar bo‘yicha 10 kun muddat ichida yozma javob taqdim etish so‘raldi.

Aholi murojaatlari va ijtimoiy muammolar deputatlik nazoratida.