Xalq deputatlari Bag‘dod tumani Kengashining 17-Samandarak saylov okrugi deputati I.Axmedov tomonidan Samandarak mahalla fuqarolar yig‘inida “mahalla yettiligi” tomonidan amalga oshirilayotgan ishlar joyiga chiqib o‘rganildi.

🔎 O‘rganish davomida jamg‘armalar hisobidan mahallaga ajratilgan mablag‘larning maqsadli sarflanish holatiga alohida e’tibor qaratildi. Xususan, “Saxovat va ko‘mak” jamg‘armasi mablag‘lari hisobidan fuqarolar xonadonlarida olib borilayotgan ta’mirlash ishlari ko‘zdan kechirildi.

🏗 Shuningdek, tuman hokimligi huzuridagi “Infratuzilma va ijtimoiy barqarorlik” jamg‘armasi hisobidan Samandarak mahalla fuqarolar yig‘iniga ajratilgan 207 mln 540 ming so‘m mablag‘ning maqsadli sarflanishi o‘rganildi. Mazkur mablag‘lar hisobidan mahalla binosi hamda unga tutash kutubxona va xizmat ko‘rsatish obyektlari oldidagi 100 kvadrat metr bo‘sh maydonni asfaltlash, shuningdek, mahalla hududidagi piyodalar yo‘lagi chetiga temir to‘siqlar o‘rnatish ishlari amalga oshirilmoqda.

✅ O‘rganish yakunida amalga oshirilayotgan ishlarning sifati hamda ajratilgan mablag‘lardan samarali va maqsadli foydalanish yuzasidan tegishli tavsiyalar berildi.