Zafarobod tumanida inklyuziv ta’limni rivojlantirish va bu borada amalga oshirilayotgan ishlar bilan tanishish maqsadida Xalq deputati Zafarobod tumani Kengashiga 9-"Mirobod" saylov okrugidan saylangan deputat E.Normatov tomonidan hududdagi umumta’lim maktablarida tashkil etilgan inklyuziv sinflar faoliyati o‘rganildi.
Jumladan, tumandagi 3-sonli umumta’lim maktabida tashkil etilgan inklyuziv sinfda tahsil olayotgan o‘quvchilar uchun yaratilgan shart-sharoitlar, ularning ta’lim jarayoni, mashg‘ulotlardagi ishtiroki hamda o‘qituvchilar tomonidan qo‘llanilayotgan metodik yondashuvlar bilan yaqindan tanishildi.
Shuningdek, mazkur sinfda tahsil olayotgan o‘quvchi Rustamova Intizor O‘ktam qizining o‘qish jarayoni va mashg‘ulot faoliyati kuzatilib, inklyuziv ta’limni yanada takomillashtirish, o‘quvchilar uchun qulay va samarali ta’lim muhitini yaratish borasida amalga oshirilayotgan ishlar muhokama qilindi.