Andijonda tashkil etilgan “Jasorat maktabi” 10 kunlik harbiy-o‘quv oromgohi doirasida yoshlar bilan navbatdagi ochiq muloqot tashkil etildi.

Uchrashuvda Xalq deputatlari Andijon shahar Kengashi deputati, xalqaro toifadagi sport ustasi Axmadulin Rinat Galimjanovich ishtirok etib, yoshlar bilan samimiy suhbat olib bordi.

Muloqot davomida yoshlarga vatanparvarlik, intizom, matonat, sportning inson hayotidagi o‘rni hamda maqsad sari qat’iyat bilan harakat qilish borasida muhim tavsiyalar berildi.

Ishtirokchilar o‘zlarini qiziqtirgan savollariga javob olib, deputatning hayotiy tajribasi va sportdagi yutuqlaridan motivatsiya oldilar.

Tadbir yoshlar uchun ilhom va yangi maqsadlarga intilish ruhini yanada kuchaytirdi.