Deputat mahallada: muammolar o‘rganilib, murojaatlar nazoratga olindi

🚨 O‘zbekiston XDP Boysun tuman Kengashi raisi, deputat Z.O‘zbekova “Deputat mahallada” loyihasi doirasida tumandagi Kosiblar mahallasida bo‘lib, mahalla yettiligi faoliyati bilan yaqindan tanishdi.

🚨 O‘rganishlar davomida mahallada amalga oshirilayotgan ishlar, aholini ijtimoiy qo‘llab-quvvatlash, mavjud muammolarni bartaraf etish hamda fuqarolar murojaatlari bilan ishlash holati ko‘zdan kechirildi.

🚨 Shuningdek, deputat mahalla aholisi bilan muloqot o‘tkazib ularning taklif va murojaatlarini tingladi. Uchrashuv davomida fuqarolar tomonidan ichimlik suvi ta’minoti bilan bog‘liq muammo ko‘tarildi. Mazkur murojaat deputat tomonidan nazoratga olinib masalani tegishli tashkilotlar bilan hamkorlikda hal etish bo‘yicha amaliy choralar belgilandi.

🚨 “Deputat mahallada” loyihasi doirasidagi bunday uchrashuvlar aholi muammolarini joyida o‘rganish va ularning yechimiga ko‘maklashishda muhim ahamiyat kasb etmoqda.