Tadbirda Chashma MFY raisi, mahalla faollari, nuroniylar, ota-onalar, pedagoglar hamda keng jamoatchilik vakillari qatnashdi.

So‘zga chiqqanlar bitiruvchilarni erishgan yutuqlari bilan samimiy tabriklab, ularning muvaffaqiyatlari ortida ustozlar mehnati, ota-onalar e’tibori va o‘zlarining tinimsiz intilishlari mujassam ekanligini ta’kidladilar.

Ayniqsa, oltin medal bilan taqdirlangan o‘quvchilarning yutuqlari e’tirof etilib, ularga kelgusidagi ta’lim va faoliyatlarida ulkan muvaffaqiyatlar tilandi.

Deputat Zafar Qobilov o‘z tabrik so‘zida yoshlarning bilim olishi, zamonaviy kasb-hunarlarni egallashi hamda Vatan ravnaqi uchun munosib hissa qo‘shadigan yetuk kadrlar bo‘lib voyaga yetishlari muhim ekanligini qayd etdi.

Tadbir davomida faol o‘quvchilar va ularning ustozlariga ehtirom ko‘rsatilib, bitiruvchilarga ezgu tilaklar bildirildi.

Yoshlarimizning har bir yutug‘i — Yangi O‘zbekiston taraqqiyotining muhim poydevoridir!