Kengash sessiyasi kun tartibiga kiritilgan masala o'rganildi

Xalq deputatlari Qiziriq tumani Kengashi kotibiyati bosh mutaxassisi J.Donayev hamda tuman Kengashi deputati E.Hamroyevlar tuman Kengashining navbatdagi sessiyasi kun tartibiga kiritilgan masala yuzasidan “Surxondaryo suv ta’minoti AJ” Qiziriq tumani filialida o‘rganish olib bordilar.

O‘rganish davomida tumanda ichimlik suvi ta’minoti holati, aholiga ko‘rsatilayotgan xizmatlar sifati, mavjud muammolar va ularni bartaraf etish bo‘yicha amalga oshirilayotgan ishlar bilan tanishildi. Shuningdek, suv ta’minoti tizimida energiyani tejovchi texnologiyalarni joriy etish, energiya resurslaridan oqilona foydalanish hamda energiya samaradorligini oshirish borasida olib borilayotgan ishlar yuzasidan mas’ullarning axboroti tinglandi.

O‘rganish yakunida sessiya muhokamasiga kiritiladigan masalalar bo‘yicha tegishli ma’lumotlar jamlanib, mavjud muammolarni bartaraf etish hamda sohada xizmatlar sifatini yanada yaxshilash yuzasidan taklif va tavsiyalar ishlab chiqilishi belgilandi.

Deputatlar tomonidan sessiya kun tartibiga kiritilgan masalalar yuzasidan joylarda o‘rganishlar davom ettirilmoqda.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram