ПУҚАРАЛАР МҮРӘЖАТЛАРЫ ИТИБАР ОРАЙЫНДА: «ПАШЕНТТАЎ» АПЖДА ҮЙРЕНИЎ ЖУМЫСЛАРЫ АЛЫП БАРЫЛДЫ

❗️Халықтың жасаў шараятларын жақсылаў, социаллық қоллап-қуўатлаўға мүтаж шаңараклардың машқалаларын орынларда үйрениў ҳәм оларға аймақтың өзинде шешим табыў мақсетинде, Қарақалпақстан Республикасы Жоқарғы Кеңеси депутаты Ф.Палванова ҳәм Халық депутатлары Шымбай районлық Кеңеси депутатлары М.Зарикеев ҳәм Ш.Абдикаримовлар Шымбай районындағы «Пашенттаў» АПЖ аймағында болды.

♻️ Илаж даўамында депутатлар аймақтағы социаллық қорғаўға мүтаж ҳәм кем тәмийинленген шаңараклардың үйлерине барып, олардың жасаў шараятлары, бәнтлик мәселелери ҳәм турмыслық мүрәжатларын жақыннан үйренди. Буннан тысқары кем тәмийинленген шанараклардың материаллық жағдайын көзден өткериў ҳәм керекли социаллық жәрдемлердиң өз ўақтында жетип барыўы үйренилди.

Илаж соңында анықланған ҳәр бир мүрәжат бойынша қысқа мүддетлерде керекли илажлар көриў белгиленди. Кем тәмийинленген шанаракларды қоллап-қуўатлаў ҳәм машқалаларды унамлы шешиў бағдарындағы ўазыйпалар тийисли тараў жуўапкерлерине тапсырмалар берилип, бул мәселелер депутатлардың туўрыдан-туўры қадағалаўына алынды.