#Kotibiyat_mudiri_faoliyati

Xalq deputatlari tuman Kengashi kotibiyati mudiri J.Axunovning kunlik ish rejasiga asosan Xosa mahallasida hokim yordamchisi faoliyati o‘rganildi.

O‘rganish davomida aholi bandligini ta’minlash, ishsiz fuqarolarni kasb-hunar va tadbirkorlikka yo‘naltirish borasida amalga oshirilayotgan ishlar tahlil qilindi. Belgilangan 35 nafar ishsiz fuqarodan 22 nafarining bandligi ta’minlangani aniqlandi.

Mahallada tadbirkorlikni rivojlantirish maqsadida 11 nafar fuqaroga 150 million so‘mlik kredit ajratilib, 13 ta yangi ish o‘rni yaratilgan. Shuningdek, 5 nafar fuqaroga subsidiya olishda amaliy yordam ko‘rsatilgan.

Bundan tashqari, fuqarolarning tadbirkorlik tashabbuslarini qo‘llab-quvvatlash, yer maydonlari ajratish hamda kambag‘al oilalar daromadini oshirish bo‘yicha belgilangan chora-tadbirlar o‘rganildi. Mahallada bu boradagi ishlarni davom ettirish yuzasidan tegishli vazifalar belgilandi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|