“Наманган ҳақиқати” газетасида халқ депутатлари Янгиқўрғон туман Кенгаши раиси Мамажонов Равшанбек Раҳмонжоновичнинг “Ташаббус кучаймоқда” номли мақоласи эълон қилинди.

Мазкур мақолада халқ депутатлари Янгиқўрғон туман Кенгаши томонидан ҳудудни ижтимоий-иқтисодий ривожлантириш, аҳоли муаммоларини ўрганиш ва уларга амалий ечим топиш, фуқаролар мурожаатлари билан ишлаш, депутатлик назоратини кучайтириш ҳамда маҳаллаларда олиб борилаётган амалий ишлар ҳақида атрофлича сўз юритилган.

Шунингдек, мақолада Кенгаш фаолиятининг очиқлиги ва ошкоралигини таъминлаш, депутатларнинг жойлардаги фаол иштирокини кучайтириш, аҳоли билан мулоқотни янада мустаҳкамлаш борасида амалга оширилаётган ишларга алоҳида эътибор қаратилган.

Эътироф этиш жоизки, бу каби мақолалар орқали маҳаллий Кенгашлар фаолияти, депутатлик ташаббуслари ва ҳудудда амалга оширилаётган ислоҳотлар кенг жамоатчиликка етказилмоқда. Бу эса, ўз навбатида, халқ вакилларининг масъулиятини янада ошириш, жамоатчилик назоратини кучайтириш ҳамда аҳоли ишончини мустаҳкамлашга хизмат қилади.

Халқ депутатлари Янгиқўрғон туман Кенгаши томонидан бу каби ташаббус ва амалий ишлар изчил давом эттирилади.