Kitap oqıw mádeniyatın rawajlandırıw boyınsha ámeliy jumıslar úyrenildi.

Ózbekstan Respublikası Prezidentiniń “Kitap oqıw mádeniyatın rawajlandırıw hám xalıq arasında kitap oqıwǵa qızıǵıwshılıqtı arttırıw ilajları haqqıında”ǵı PQ-9-sanlı qararınıń orınlanıwın támiyinlew maqsetinde Xalıq deputatları Moynaq rayonlıq Keńesi sekretariat baslıǵı K.Nasirova tárepinen rayonlıq málimleme kitapxana orayına barıp, onıń xızmeti menen jaqınnan tanıstı.

📖 Úyreniw dawamında kitapxanada oqıwshılar ushın jaratılǵan sharayatlar, fondtaǵı kitaplar qori, elektron resurslar, sonday-aq, jaslar arasında kitap oqıw mádeniyatın arttırıw boyınsha ámelge asırılıp atırǵan is-ilájlar kórip shıǵıldı. Kitapxana tárepinen ótkerilip atırǵan ilájlar, tańlawlar hám kitap kórgizbeleri haqqında maǵlıwmatlar berildi.

💬 Deputat kitap oqıw mádeniyatın rawajlandırıw, jaslardıń ruwxıy dárejesin arttırıwda kitapxanalardıń ornı ayrıqsha ekenligin atap ótti. Sonday-aq, qarar talabların izbe-iz orınlaw, xalıq arasında kitap oqıwǵa bolǵan qızıǵıwshılıqtı jáne de arttırıw boyınsha tiyisli usınıslar bildirildi.