Xalq deputatlari Paxtakor tumani Kengashining agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi yig‘ilishi bo‘lib o‘tdi. Unda navbatdagi sessiyaga kiritilishi rejalashtirilgan masalalar dastlabki tarzda atroflicha ko‘rib chiqildi.

Yig‘ilishda Prezident qarorlari ijrosi doirasida tumanda suv resurslarini boshqarish, suv xo‘jaligi obyektlarining texnik holatini yaxshilash, suv tejovchi sug‘orish texnologiyalarini joriy etish hamda suv limitlarini tasdiqlash masalalari muhokama qilindi. 

Shuningdek, ko‘p qavatli uylarni boshqarish tizimini takomillashtirish hamda xususiylashtiriladigan aktivlar va bo‘sh yer uchastkalarini aniqlab, ularni elektron onlayn-auksion savdolariga chiqarish bo‘yicha olib borilayotgan ishlar ko‘rib chiqildi.