“Islomobod” va “Ziyokorlar” mahallalarida o‘tkazilgan sayyor qabul davomida fuqarolar tomonidan bir qator muhim masalalar ko‘tarildi.  

Jumladan, mahallada o‘tkazilgan o‘rganishlar davomida fuqarolar ko‘chmas mulk ob’ektlarini kadastr hujjatlarini rasmiylashtirishda muammolarga duch kelayotganliklari o‘rganib chiqildi.  

O‘rganish davomida fuqarolar tuman kadastr idoralariga avval tegishli to‘lovlarni amalga oshirib, kadastr yig‘ma jildlarini shakllantirgan bo‘lishlariga qaramay, amaliyotda shahar kadastr bo‘limlari tomonidan hujjatlarni yangilash uchun takroriy to‘lovlar talab qilinishi holatlari yuzaga kelayotganligi kabi salbiy holat aniqlandi.  

Mazkur murojaat yuzasidan muammoni hal etish maqsadida Davlat kadastrlar palatasi Xorazm viloyat boshqarmasi Urganch shahar filiali rahbariga deputat so‘rovi chiqarildi.  

Ushbu masala ijrosi deputat nazoratiga olindi.