Xalq deputatlari Urganch shahar Kengashi raisi P.Ro‘ziboyev, xalq deputatlari Xorazm viloyati deputatiF.Sa’dullayeva bilan hamkorlikda “Bo‘ston” mahallasida yashovchi fuqaroO.Rustamova, Do‘stlik mahallasidan I.Hakimova hamdaKo‘xna qal’amahallasidan B.Ro‘zmetovalarning O‘zbekiston Respublikasi Senati raisigayo‘llagan murojaatlari yuzasidan dastlabki o‘rganish ishlarini olib bordilar. 

Uchrashuv davomida fuqarolarning murojaatlari atroflicha o‘rganilib, ularni qiynayotgan muammolarni bartaraf etish choralari muhokama qilindi.  

Xususan, “Bo‘ston” mahallasida yashovchi fuqaro O.Rustamovaning murojaatida ikkita masala qayd etilgan bo‘lib, kredit ajratish yuzasidan Bank va Banklar to‘g‘risidagi Qonunchilik hujjatlarida nazarda tutilgan normalar xususida huquqiy tushuntirish berildi. 

Shuningdek, nogironligi bo‘lgan yaqin qarindoshini nogironlik aravachasi bilan ta’minlash masalasidagi murojaati yuzasidan zarur hujjatlari qabul qilinib, shahar inson ijtimoiy xizmatlari markazi bilan hamkorlikda aravacha taqdim etishga kelishildi. 

Boshqa fuqarolar tomonidan bildirilgan murojaatlarni hal etish bo‘yicha esa tegishli mutasaddi tashkilotlarga aniq vazifalar yuklatilib, ijrosi deputatlik nazoratiga olindi. Bu kabi uchrashuvlar aholi muammolarini bevosita o‘rganish va ularga manzilli yordam ko‘rsatishda muhim bo‘g‘in bo‘lib xizmat qilmoqda.