Халқ депутатлари Янгиқўрғон туман Кенгаши депутати Садриддинов Маъруфжон Муҳаммаджонович томонидан “Бекобод” оилавий шифокорлик пунктида аҳолига кўрсатилаётган тиббий хизматлар ҳолати атрофлича ўрганилди.

Ўрганиш жараёнида тиббиёт муассасасида яратилган шарт-шароитлар, беморларга хизмат кўрсатиш сифати, дори-дармонлар билан таъминланганлик даражаси ҳамда тиббиёт ходимларининг фаолияти кўздан кечирилди.

Шунингдек, аҳолига кўрсатилаётган бепул тиббий хизматлар, профилактика ишларининг ташкил этилиши ва тиббий хизматлардан фойдаланиш имкониятлари ҳам алоҳида таҳлил қилинди.

Ташриф давомида масъуллар билан мулоқот ўтказилиб, мавжуд муаммолар ва камчиликларни бартараф этиш юзасидан тегишли ташкилотларга депутатлик сўрови юборилди.