ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ депутати Аралов Латифжон томонидан ҳудудидаги мактабгача таълим муассасаси фаолияти ўрганилди.

Ташриф давомида муассасада болалар учун яратилган шарт-шароитлар, тарбия жараёни, гуруҳ хоналари ҳолати ҳамда болаларнинг овқатланиши ва санитария-гигиена талабларига риоя этилиши атрофлича кўздан кечирилди.

Шунингдек, муассасада таълим-тарбия сифатини ошириш, болаларни ҳар томонлама ривожлантиришга қаратилган ишлар, педагог ходимлар фаолияти ҳам ўрганилди.

Ўрганиш натижалари бўйича муассасадаги мавжуд шароитларни янада яхшилаш, болалар учун қулай муҳит яратиш ҳамда таълим сифатини ошириш юзасидан тегишли таклиф ва тавсиялар берилди.

Мазкур ишлар ёш авлодни соғлом ва баркамол қилиб тарбиялашда муҳим аҳамият касб этади.