AHOLI MUAMMOLARIGA AMALIY YECHIM

Navoiy shahrida aholi murojaatlarini o‘rganish va mavjud muammolarni joyida hal etish maqsadida sayyor qabullar izchil tashkil etilmoqda. Joriy yilning 13-aprel kuni Xalq deputatlari Navoiy shahar Kengashi deputati Mirzaev Alisher Umirzakovich Navoiy shahar hokimi bilan hamkorlikda “Binokor” mahalla fuqarolar yig‘ini hududida navbatdagi sayyor qabulni o‘tkazdi.

Mazkur uchrashuvda mahalla fuqarolari o‘zlarini qiziqtirgan masalalar, xususan, kommunal xizmatlar, yo‘llar ta’miri, ichimlik suvi ta’minoti, ish bilan ta’minlash va ijtimoiy qo‘llab-quvvatlash kabi dolzarb muammolar yuzasidan murojaatlar bilan chiqishdi. Har bir murojaat atroflicha o‘rganilib, tegishli mutasaddilarga aniq topshiriqlar berildi.

Qabul davomida ayrim masalalar joyida hal etildi, qo‘shimcha o‘rganish talab etadigan murojaatlar esa nazoratga olinib, ularni bartaraf etish bo‘yicha mas’ullarga muddatlar belgilab berildi.

Shu kabi sayyor qabullar aholi bilan ochiq muloqotni ta’minlash, ularning dardu tashvishlarini tinglash hamda muammolarga tezkor yechim topishda muhim ahamiyat kasb etmoqda. Bu esa o‘z navbatida fuqarolarning davlat organlariga bo‘lgan ishonchini mustahkamlashga xizmat qiladi.