Xalq deputatlari Boyovut tumani Kengashining 2025-yil 19-dekabrdagi VII-18-130-9-123-K/25-sonli qaroriga muvofiq, tumanning mahalliy budjeti daromadlari 2025-yil II–III choraklarda rejadan ortiq bajarilgani hisobidan "Olmazor" mahallasi hududida aholi uchun qulay shart-sharoitlar yaratish, xususan, piyodalar yo‘lakchalarini barpo etish maqsadida 450,0 (to‘rt yuz ellik) million so‘m mablag‘ tuman hokimligiga ajratilgan.

Mazkur yo‘nalishda olib borilayotgan ishlar yuzasidan o‘rganish jarayonida Xalq deputatlari Boyovut tumani Kengashi huzuridagi Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya raisi A. Amanlikov, kotibiyat mudiri X. Berdiyarova, bosh mutaxassis A. Sharopov hamda viloyat hokimligining “Yagona buyurtmachi xizmati” DUK mas’ullari ishtirok etdi.

O‘rganish davomida mazkur loyiha bo‘yicha loyiha-smeta hujjatlari tayyorlanayotgani ma’lum qilindi.