Mahallada yoshlar uchun tashkil etilayotgan shaxmat-shashka tadbirining samaradorligini oshirish maqsadida o’rganish ishlari olib borildi. Ushbu jarayonda 14-O’zbekiston saylov okrugi deputati F.Cho’liyeva, Xalq deputatlar tuman Kengashi mutaxassisi G.Soliyeva, Azizon MFY yoshlar yetakchisi, Azizon MFY xotin-qizlar faoli, uyushmagan yoshlar ham bevosita ishtirok etib, yoshlar yetakchisi tomonidan amalga oshirilayotgan ishlar bilan yaqindan tanishdi.

Tadbirlar doirasida yoshlarning bo’sh vaqtlarini mazmunli tashkil etish, ularni sport va intellektual o’yinlarga jalb qilish, shuningdek, turli ma’naviy-ma’rifiy loyihalar orqali faolligini oshirishga qaratilgan ishlar tahlil qilindi.

Deputat tomonidan mazkur yo’nalishda amalga oshirilayotgan ishlarga ijobiy baho berildi, shu bilan birga, yoshlarning qiziqish va ehtiyojlaridan kelib chiqqan holda tadbirlarni yanada takomillashtirish bo’yicha tegishli tavsiyalar berildi. Bu kabi tashabbuslar mahallada yoshlarning bo’sh vaqtlarini samarali tashkil etish va ularning jamiyatdagi faolligini oshirishga xizmat qilishi ta’kidlandi.