Xalq deputatlari Boyovut tumani Kengashi raisi Obloqul Isanov boshchiligida yig‘ilish o‘tkazildi. Unda Kengashning navbatdagi sessiyasi kun tartibiga kiritilishi rejalashtirilgan masalalarni har tomonlama va atroflicha o‘rganish yuzasidan muhokamalar olib borildi.

Yig‘ilishda mazkur masalalarni chuqur tahlil qilish maqsadida alohida ishchi guruh tuzish va joyiga chiqib o‘rganish ishlarini tashkil etish belgilandi. Shuningdek, o‘rganish jarayonlariga Xalq deputatlari Boyovut tumani Kengashi huzuridagi Ekspert guruhi a’zolarini keng jalb etish zarurligi ta’kidlandi.

📝 Mazkur qarorga muvofiq, Xalq deputatlari Boyovut tumani Kengashi deputatlari boshchiligida quyidagi yo‘nalishlarda o‘rganishlar olib boruvchi ishchi guruh tarkibi shakllantirildi:

⚫️ Tumanda huquqbuzarliklarning oldini olish va ularning profilaktikasi holati;

⚫️ Korrupsiyaga qarshi kurashish tizimi samaradorligi;

⚫️ Boyovut tumani Kadastr agentligi hamda Davlat kadastri palatasi tuman bo‘limi tomonidan O‘zbekiston Respublikasi Prezidentining 2025-yil 21-apreldagi PF-71-son Farmoni ijrosi yuzasidan amalga oshirilgan ishlar.

Ishchi guruh tarkibiga Kengash deputatlari, doimiy komissiya a’zolari, tegishli tashkilotlar mas’ul xodimlari hamda ekspertlar kiritildi.

Belgilangan vazifalar ijrosini ta’minlash maqsadida o‘rganish ishlari tizimli ravishda olib borilib, natijalari Kengashning tegishli majlislarida muhokama qilinishi rejalashtirilgan.