Xalq deputatlari Sardoba tumani Kengashi kotibiyati vakillari xizmat faoliyatini yanada takomillashtirish hamda ilg‘or tajribalarni o‘rganish maqsadida Xalq deputatlari Paxtakor tumani Kengashiga tashrif buyurdi.

Tashrif davomida mehmonlarga Paxtakor tumani Kengashida olib borilayotgan ishlar, xususan, kotibiyat faoliyatini samarali tashkil etish, hujjatlar aylanishi tizimi, deputatlar bilan ishlash, doimiy komissiyalar faoliyatini muvofiqlashtirish hamda sessiyalarni yuqori saviyada o‘tkazish borasidagi amaliy tajribalar batafsil tanishtirildi.

Samimiy ruhda o‘tgan uchrashuv yakunida tomonlar kelgusida hamkorlikni yanada mustahkamlash, o‘zaro tajriba almashish jarayonlarini izchil davom ettirish hamda samarali boshqaruv tizimini rivojlantirish yo‘lida hamjihatlikda ishlashga kelishib oldilar.