“Bir kunda – 1000 kitob” aksiyasi amalda

Xalq deputatlari Yunusobod tumani Kengashi deputati Iqbolxon Ashrapova “Husnobod” mahallasida istiqomat qilayotgan yoshlarning muammolarini o‘rganish maqsadida ular bilan uchrashdi.

Uchrashuv davomida deputat kitob mutolaasiga qiziqadigan yoshlarni 53-sonli umumta’lim maktabi binosida joylashgan kutubxonaga taklif etdi. Maktab direktori Hidayarova Feruza Kamilovna bilan hamkorlikda kitobxon yoshlar uchun qulay imkoniyat yaratildi.

Endilikda “Husnobod” mahallasida yashovchi kitobsevar yoshlar maktab kutubxonasidan erkin foydalanishlari mumkin. Maktab kutubxonasi mahalla yoshlariga doimo xizmat ko‘rsatishga tayyor.

Mazkur tashabbus yoshlarning bo‘sh vaqtini mazmunli tashkil etish, ularning kitobxonlik madaniyatini oshirish va ma’naviy dunyosini boyitishga xizmat qiladi.

Bizni kuzatishda davom eting!