#tavsiyalar_asosida

Xalq deputatlari Kogon shahar Kengashi deputatlari Sh. Isamutdinov va I. Jalilova hamda Kengash kotibiyati mutaxassislari I. Ikromov va Z. Temirova tomonidan Alisher Navoiy mahalla fuqarolar yig‘inida yoshlar yetakchisi tomonidan amalga oshirilayotgan ishlar, yoshlar bilan ishlash samaradorligi hamda hududdagi yoshlar bandligi holati atroflicha o‘rganildi.

 Tashrif davomida mahallada mavjud yoshlar reyestri, ularning bandligi, kasb-hunarga yo‘naltirish bo‘yicha olib borilayotgan chora-tadbirlar ham tahlil qilindi. Deputatlar yoshlar bilan individual ishlash tizimini yanada takomillashtirish, ishsiz yoshlarni kasb-hunar va tadbirkorlikka jalb etish, mavjud bo‘sh ish o‘rinlari bo‘yicha axborot almashinuvini kuchaytirish bo‘yicha tavsiyalar berdi. Shuningdek, yoshlar yetakchisi faoliyatini qo‘llab-quvvatlash, mahallada ijtimoiy faollikni oshirish va yoshlarning bo‘sh vaqtini mazmunli tashkil etish masalalari muhokama qilindi. O‘rganish yakunida aniqlangan muammolarni bartaraf etish yuzasidan tegishli tashkilotlarga amaliy taklif va topshiriqlar berildi hamda kelgusida hamkorlikni kuchaytirish belgilandi.

Aniqlangan muammolar deputatlar tomonidan mahallada yuritiladigan “muammolar daftari”ga belgilangan tartibda kiritildi. Bu orqali deputat nazorati kuchaytiriladi.

🌎 Xalq deputatlari Kogon shahar Kengashining ijtimoiy tarmoqlardagi sahifalariga a'zo bo'ling!

Facebook (https://www.facebook.com/profile.php?id=61580100445021) /Youtube (https://youtube.com/@xalqdeputatlarikogonshahar-g8r?si=tTSW0oZuoAxxdcXO) /Telegramm (https://t.me/KogonshaharKengashiVI) /Instagram (https://www.instagram.com/kogonshaharkengashi?utm_source=qr&igsh=NDRrbGprbzRpMmZs)/ Veb sayt (https://kengash.gov.uz/news?region_id=2&authority_id=276)