Bugun Xalq deputatlari Namangan viloyati Kengashi tomonidan viloyat Kengashi sessiyasida qabul qilingan qarorlar ijrosini ta’minlash, ajratilgan mablag‘larning maqsadli va samarali sarflanishini o‘rganish maqsadida navbatdagi o‘rganish ishlari amalga oshirildi.

Namangan shahridagi “Sardoba” bozori hududida aholi uchun qulay va xavfsiz shart-sharoitlar yaratish maqsadida qurilayotgan zamonaviy yer usti piyodalar yo‘lagi (ko‘prik) qurilishi uchun ajratilgan mablag‘lar ijrosi joyida o‘rganildi. Qurilish ishlari holati, mablag‘larning maqsadli va o‘z vaqtida sarflanishi, loyiha-smeta hujjatlariga rioya qilinishi hamda qurilish sifati va muddatlariga alohida e’tibor qaratildi.

Mazkur o‘rganishlarda Xalq deputatlari Namangan shahar Kengashi deputati O. Yusupov, shahar Kengashi kotibiyati mudiri, deputat N. Ubaydullaev, shuningdek, Kengash kotibiyati xodimlari faol ishtirok etdilar.

Shu bilan birga, viloyat Kengashi tomonidan tashkil etilgan ishchi guruh — Xalq deputatlari Namangan viloyati Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya raisi I. Ikromov, komissiya raisining o‘rinbosari R. Egamberdiev, viloyat Kengashi kotibiyati mudiri T. Gapparov, hududiy saylov komissiyasi raisi o‘rinbosari U. Urmanova va boshqa mas’ul xodimlar ham ishtirok etdilar.

O‘rganish jarayonida ayrim tashkiliy va texnik kamchiliklar aniqlanib, ularni bartaraf etish bo‘yicha mas’ul tashkilotlarga aniq topshiriqlar berildi. Loyihani belgilangan muddatlarda va sifatli amalga oshirish bo‘yicha amaliy tavsiyalar ishlab chiqildi va tegishli takliflar taqdim etildi.

Shahar Kengashi deputatlari tomonidan bunday o‘rganish va nazorat tadbirlari muntazam olib borilib, sessiya qarorlari ijrosi ustidan deputatlik nazorati mustahkamlanmoqda.

Slide 1 of 9