✍️Xalq deputatlari Chilonzor tumani Kengashining 15-Naqqoshlik saylov okrugi deputati Nazirov Madaminjon Ma'rufjon o'g'li tomonidan hududda joylashgan boshqaruv kompaniyalari faoliyati hamda ko‘p qavatli uylarning umumiy holatini o‘rganish ishlari olib borildi.

🔠O‘rganish davomida aholi yashash sharoitlari, uy-joy fondining texnik holati va infratuzilma bilan bog‘liq dolzarb masalalarga alohida e’tibor qaratildi. Jumladan, yangi liftlar o‘rnatilishi rejalari joyida ko‘rib chiqildi, shuningdek, mavjud ko‘p qavatli uylarda foydalanilayotgan eskirgan liftlarning texnik holati batafsil tahlil qilindi.

‼️Aniqlangan muammo va kamchiliklar yuzasidan tegishli boshqaruv kompaniyalariga zarur tavsiyalar berilib, ularni bartaraf etish bo‘yicha aniq choralar ko‘rish zarurligi ta’kidlandi.

Mazkur o‘rganish ishlari fuqarolarning xavfsizligi va qulay yashash sharoitlarini ta’minlash, uy-joy infratuzilmasini yanada takomillashtirishga qaratilgan bo‘lib, bu boradagi ishlar izchil davom ettiriladi.