Xalq deputatlari Parkent tuman Kengashiga 7-Xisorak saylov okrugidan saylangan deputat Mannonov Abduzarif Abduraufovich oʻzi saylangan hudud — “Chinorbuloq” mahallasida bo‘lib, “Mahalla yettiligi” faoliyati bilan yaqindan tanishdi. O‘rganish jarayonida mahalladagi yoshlar yetakchisining 9 ta asosiy yo‘nalishdagi faoliyati atroflicha tahlil qilindi. Ayniqsa, yoshlar bandligini ta’minlash borasida amalga oshirilayotgan ishlar alohida e’tibor markazida bo‘ldi. Tahlil natijalariga ko‘ra, ro‘yxatda turgan 12 nafar ishsiz yoshdan 6 nafari doimiy ish bilan ta’minlangani qayd etildi. Bu ko‘rsatkich hududda yoshlar bilan ishlash tizimi samarali yo‘lga qo‘yilganini,
amaliy ishlar izchil olib borilayotganini ko‘rsatadi. Shuningdek, boshqa yo‘nalishlar kesimida ham mavjud ishlar muhokama qilinib, faoliyatni yanada kuchaytirish, aniqlangan kamchilik va muammolarni bartaraf etish, yoshlarning ijtimoiy-iqtisodiy manfaatlarini to‘liq ta’minlash yuzasidan tegishli tavsiya va ko‘rsatmalar berildi.