Xalq deputatlari Parkent tuman Kengashi tomonidan “Madad” nodavlat notijorat tashkiloti bilan hamkorlikda aholiga bepul birlamchi yuridik yordam ko‘rsatish hamda huquqiy ma’rifatni oshirish yo‘nalishida imzolangan memorandum ijrosini ta’minlash maqsadida yig‘ilish o‘tkazildi. Mazkur yig‘ilishda memorandumning ahamiyati inobatga olinib, mahalliy vakillik organlari faoliyatini huquqiy qo‘llab-quvvatlash masalalari muhokama qilindi. Tomonlar aholiga sifatli yuridik xizmatlar ko‘rsatish, mahalliy Kengash qarorlarini birgalikda ishlab chiqish, Kengash deputatlari hamda kotibiyat xodimlarining malakasini oshirish, shuningdek, aholining huquqiy ongi va madaniyatini yuksaltirish borasida amalga oshirilayotgan ishlar yuzasidan fikr almashdilar. Yig‘ilishda tuman Kengashi kotibiyati mudiri Berdiqulova Mavluda Tojiddinovna, kotibiyat bosh mutaxassislari To‘layev Eldor Zafaritdin o‘g‘li, Mirzayev Dilshod Ruxutdin o‘g‘li hamda Parkent tumani “Madad” NNT byurosi bosh mutaxassisi BahtiyorUmarbekovlar ishtirok etdilar. Shuningdek, hamkorlikning asosiy yo‘nalishlari sifatida aholi uchun sayyor qabullar tashkil etish, deputatlarning saylov okruglarida saylovchilar bilan uchrashuvlarida birgalikda ishtirok etish, Kengash deputatlari va kotibiyat xodimlari uchun seminarlar o‘tkazish, mahalliy Kengash va doimiy komissiyalarning nazorat sohasidagi vakolatlarini samarali amalga oshirishga ko‘maklashish masalalari yuzasidan taklif va mulohazalar bildirildi.