Xalq deputatlari Ulug‘nor tumani 19-Mingchinor saylov okrugi deputati Xamidov Xojiakbar Muxiddinovich tomonidan o‘zi saylangan saylov okrugida O‘zbekiston Respublikasi Prezidentining 2026-yil 16-fevral kungi “Andijon viloyatini ijtimoiy-iqtisodiy rivojlantirishga qaratilgan chora-tadbirlarni yanada jadallashtirish to‘g‘risida”gi PQ-62-sonli qarori ijrosini ta’minlash yuzasidan tizimli nazorat tadbirlari o‘tkazildi. X.Xamidov Mingchinor MFYda qurilishi rejalashtirilgan “Angar” usulida trikotaj mahsulotlari ishlab chiqarish tikuvchilik sehi qurilish ishlari bilan tanishishdi. O‘rganish jarayonida zarur qurilish materiallari olib kelinganligi va ishlar rejaga muvofiq amalga oshirilayotganligi aniqlandi. Mazkur qaror mamlakatimizda ijtimoiy-iqtisodiy islohotlarni jadallashtirish, aholi farovonligini oshirish hamda hududlarda mavjud muammolarni manzilli hal etishga qaratilgani bilan alohida ahamiyat kasb etadi. Nazorat jarayonida deputat tegishli mutasaddi tashkilotlar, mahalliy ijro hokimiyati vakillari hamda jamoatchilik faollari bilan birgalikda qaror ijrosi doirasida amalga oshirilayotgan ishlar holatini atroflicha o‘rgandi. Xususan, hududda infratuzilmani yaxshilash, aholi bandligini ta’minlash, ijtimoiy xizmatlar sifatini oshirish hamda fuqarolarning murojaatlari bilan ishlash borasidagi ishlar tanqidiy-tahliliy ruhda ko‘rib chiqildi. Mazkur nazorat tadbiri hududlarda olib borilayotgan islohotlarning samaradorligini oshirish, davlat dasturlari ijrosini ta’minlash hamda aholi manfaatlarini ishonchli himoya qilishga xizmat qiladi. Deputat tomonidan bu kabi nazorat ishlari izchil davom ettirilishi bildirildi.