Xalq deputatlari Boyovut tuman Kengashi deputati Alibek Amanlikovga biriktirilgan Oilaviy tadbirkorlik to‘g‘risida Qonun (O‘RQ-327, 2012-yil) ijrosini ta’minlash hamda uning mazmun-mohiyatini keng jamoatchilikka yetkazish maqsadida targ‘ibot-tushuntirish ishlari olib borildi.

Tadbir davomida deputat tomonidan mazkur qonunning asosiy yo‘nalishlari, xususan, oilaviy tadbirkorlikni rivojlantirish uchun yaratilgan imkoniyatlar, imtiyoz va preferensiyalar, shuningdek, fuqarolarning tadbirkorlik faoliyatini boshlashi va yuritishi bilan bog‘liq huquqiy jihatlar yuzasidan batafsil ma’lumotlar berildi.

Shuningdek, fuqarolarning qiziqtirgan savollariga atroflicha javob berilib, oilaviy tadbirkorlikni yo‘lga qo‘yish orqali daromad manbalarini kengaytirish, bandlikni ta’minlash hamda iqtisodiy faollikni oshirish bo‘yicha tavsiyalar bildirildi.